Atom Araullo happy ang lovelife: Nagkakaintindihan kami sa tsismis

Atom Araullo at Zen Hernandez

TINAWAG ng Kapuso news anchor at dokumentaristang si Atom Araullo na “great relationship” ang relasyon nila ngayon ng kanyang special someone.

Matagal nang napapabalita ang tungkol sa pagiging magdyowa ni Atom at ng kapwa niya broadcast journalist na si Zen Hernandez pero wala pang direktang pag-amin ang dalawa hinggil dito.

Sa panayam ng ABS-CBN News anchor na si KC Constantino para sa kanyang YouTube channel na “KC After Hours” ay nagsalita for the first time si Atom about his lovelife. Kilala kasi ang binata na tahimik lamang pagdating sa kanyang private life.

Sa mga hindi pa nakakaalam, nagkasama sina Atom at Zen sa ABS-CBN News hanggang sa lumipat nga ang binata sa GMA 7 noong 2017.

Last year pa napabalitang may “something” nga sa pagitan nina Atom at Zen matapos silang makitang magkasama sa ilang events.