Kathryn ayaw na sanang gawin ang ‘Hello, Love, Again’, anyare?

Kathryn Bernardo at Alden Richards

AYAW na palang gawin ni Kathryn Bernardo ang “Hello, Love, Again“, ang part 2 ng super blockbuster movie nila ni Alden Richards na “Hello, Love, Goodbye” na tumabo sa takilya noong 2019.

Totoong nagdalawang-isip ang Kapamilya actress na ituloy ang sequel ng “HLG” with Alden at in fairness may valid reason naman ang dalaga kung bakit.

Nagpaliwanag si Kathryn sa panayam ng “Fast Talk with Boy Abunda” tungkol dito at isa raw sa mga rason ay dahil naniniwala siya na mahirap gumawa ng sequel sa isang pelikulang minahal ng milyun-milyong tao.

“I’ll be honest. When they told me about it early this year, I was a bit hesitant kasi, ‘di ba Tito Boy, alam natin kung gaano kahirap gumawa ng sequel.

“And for me, I would like to leave it as it is — like Joy and Ethan (karakter nila ni Alden), nag-end na ‘yung love story nila, parang iwan na natin ‘yun,” pahayag ni Kathryn.

“And then, nu’ng in-explain nila sa akin ‘yung story, doon ko na-realize na there are so many questions na gusto kong bigyan ng sagot. What happened to Joy and Ethan? Nakagawa ba nila yung dreams nila?” paliwanag pa niya.

“Yung sa trailer na nakita n’yo, ano’ng nangyari kina Joy at Ethan? Bakit sila umabot sa ganito? Will they give second chances? What happened to Ethan in Hong Kong? What happened to Joy in Canada?

“So many questions, ang daming kailangang sagutin. That made me say yes, and when they told me Direk Cathy’s going to direct it, pinayagan ulit si Tisoy (Alden) despite his busy, busy schedule, parang everything fell into place.

“And I think, this is the perfect time to do it,” ang sey pa ni Kath.

Bukod sa reunion movie ng KathDen ang “Hello, Love, Again” magsisilbi rin itong first ever collaboration sa pelikula ng GMA Pictures, ABS-CBN Studios at Star Cinema.